Edith Harxhi dhe Ebsen Elezi i shtohen garës për Kryetar të PD-së, ja cfarë i kërkojnë Bashës

Pas Fatbardh Kadillit, janë Edith Harxhi dhe Ibsen Elezi, nga grupimi “Për PD”, dy kandidaturat e tjera që para pak minutash kanë regjistruar zyrtarisht në garën për Kryetar të Partisë Demokratike. Harxhi ka qenë zv/ministe e Jashtme në qeverinë Berisha, ndërsa Ibsen Elezi, ish- kryetari i degës së PD-së Kukës. Të dy janë pjesë e grupit “Për PD” që u zyrtarizua si fraksion në PD pas zgjedhjeve të 25 prillit për të kërkuar dorëheqjen e Lulzim Bashës dhe për të kritikuar këtë të fundit, si përgjegjës për humbjen e zgjedhjeve parlamentare. Harxhi dhe Elezi i kanë renditur Bashës  kërkesat e mëposhtme:

Deklarata e grupimit “Për PD”:

Të nderuar zonja dhe zotërinj, bazuar në vendimin e Kryesisë së Partisë Demokratike të Shqipërisë për shpalljen e garës për Kryetar të PDSH që do të mbahen në datë 13 qershor 2021, po ju bëjmë me dije se nga Grupi për PD do paraqiten dy kandidatura, zonja Edit Harxhi dhe zoti Ibsen Elezi.

Për këtë po ju parashtrojmë disa kërkesa të domosdoshme për garantimin e një gare të ndershme dhe të lirë, pavaresisht nga koha tejet e shkurtër e vendosur në mënyrë të njëanshme nga kryesia e PDSH.

1) Kryesia e PDSH-së dhe Komisioni Elektoral të vënë në dispozicion të kandidatëve për Kryetarë të PDSH-së, jo më vonë se data 24 maj 2021, listën e plotë të anëtarësisë së PDSH-së.

2) Të rishikohet përberja e Komisionit Zgjedhor dhe atyre në nivel dege, duke përfshirë përfaqësues të kandidatëve për Kryetar.

3) Të hartohet një axhendë e takimeve të përbashkëta të kandidatëve me anëtarësinë, për të shpalosur platformat politike dhe zhvillimin e debatit.

4) Zyra e Organizimit dhe kryesitë e degëve të venë në funksion të kandidatëve për Kryetar të PDSH-së, infrastrukturën dhe burimet administrative për zhvillimin e takimeve të përbashkta të sipërcituara.

Mbetemi në pritje të plotësimit të këtyre kerkesave te domosdoshme për një gare të hapur, të barabarta dhe të mbështeur në vlerat më të mira perëndimore të Partisë Demokratike të Shqipërisë.

• TAGS