Shqipëria 104 të infektuar, dy pacientë humbën betejën me COVID-19 në 24 orët e fundit

Rritet numri i të infektuarëve me coronavirus. Autoritetet shëndetësore njoftuan se 104 persona janë të infektuar me coronavirus në Shqipëri. 15 raste të reja u diagnostifikuan në 24 orët e fundit, ndërsa fatkeqësisht ndërruan jetë dy pacientë, njëri prej tyre 43 vjec.

Më poshtë numri i personave të infektuar sipas njësive administrative:

68 në Tiranë

7 në Durrës

2 në Lushnje

2 në Elbasan

12 në Fier

2 në Rrogozhinë

3 në Kavajë

3 në Korcë

4 në Vlorë

1 në Shkodër

Në kushte spitalore ndodhen 49 pacientë, ndërsa 51 të infektuarit e tjerë në karantinë të detyruar, mes tyre edhe 5 pacientët e shëruar nga COVID-19.

Fatkeqësisht betejën me COVID-19 e humbën 4 pacientë shqiptarë, nga koha e shpërthimit të pandemisë.

Ministria e Shëndetësisë dhe Mbrojtjes Sociale këshilloi qytetarët që për sëmundjet kronike të konsultohen me mjekët përmes linjës telefonike të dedikuar 0800 40 40.

Për rastet e urgjencave dhe rastet e infektimit me COVID-19, qytetarët duhet të telefonojnë numrin unik 127 të Urgjencës Mjekësore.

Ndërkohë pranë urgjencave të QSUT-së dhe të Spitalit të Traumës janë vendosur çadra për triazhimin e të sëmurëve.